𝗦𝗬𝗦𝗧𝗘𝗠 𝗟𝗢𝗦𝗦 𝗟𝗔𝗡𝗚 𝗕𝗔 𝗔𝗡𝗚 𝗗𝗔𝗣𝗔𝗧 𝗧𝗔𝗡𝗚𝗚𝗔𝗟𝗜𝗡?

Mahalagang hakbang ang panukalang alisin ang system-loss charge—pero hindi rito nagtatapos ang problema ng mataas na presyo ng kuryente.

30 July 2026 Pormal nang isinumite ng National Association of Electricity Consumers for Reforms, Inc. (NASECORE) sa Office of the President, Senate Committee on Energy, at House Committee on Energy ang 𝐏𝐨𝐬𝐢𝐭𝐢𝐨𝐧 𝐏𝐚𝐩𝐞𝐫 na:

“𝘼 𝘾𝙤𝙢𝙥𝙧𝙚𝙝𝙚𝙣𝙨𝙞𝙫𝙚 𝙉𝙖𝙩𝙞𝙤𝙣𝙖𝙡 𝙋𝙧𝙤𝙜𝙧𝙖𝙢 𝙩𝙤 𝙍𝙚𝙙𝙪𝙘𝙚 𝙩𝙝𝙚 𝘾𝙤𝙨𝙩 𝙤𝙛 𝙀𝙡𝙚𝙘𝙩𝙧𝙞𝙘𝙞𝙩𝙮 𝙖𝙣𝙙 𝙁𝙪𝙡𝙡𝙮 𝙄𝙢𝙥𝙡𝙚𝙢𝙚𝙣𝙩 𝙀𝙋𝙄𝙍𝘼’𝙨 𝙇𝙚𝙖𝙨𝙩-𝘾𝙤𝙨𝙩 𝙈𝙖𝙣𝙙𝙖𝙩𝙚.”

Nanawagan ang NASECORE na busisiin ang bawat piso na sinisingil sa mga konsumer—mula generation, transmission, distribution at system loss hanggang subsidies, renewable-energy allowances, market fees, taxes, adjustments, at iba pang pass-through charges.

Hindi sapat na tama lamang ang computation.

Dapat mapatunayan na ang bawat singil ay aktuwal, kinakailangan, makatwiran, legal, malinaw na nakikita sa bill, independiyenteng nasusuri, at alinsunod sa least-cost mandate ng EPIRA.

Kabilang sa mga pangunahing panukala ang buwanang pagsusuri at masusing validation ng lahat ng pangunahing singil sa kuryente, independent regulatory audits, malinaw na disclosure ng market fees at embedded charges, automatic true-up at agarang refund ng overcollections, regular na pagbusisi sa subsidies, taxes at renewable-energy allowances, at mas makabuluhang partisipasyon ng mga konsumer sa rate proceedings.

Ang tunay na reporma ay hindi nasusukat sa dami ng patakarang inilabas—kundi sa aktuwal na pagbaba ng singil sa kuryente.

Bawat piso sa bill ay dapat may malinaw na batayan, benepisyo, computation, at pananagutan.