𝗠𝗮𝗹𝗮𝘆𝗼 𝗽𝗮 𝗮𝗻𝗴 𝗣𝗮𝘀𝗸𝗼, 𝗽𝗲𝗿𝗼 𝗽𝗮𝘁𝗮𝘆-𝘀𝗶𝗻𝗱𝗶 𝗻𝗮 𝗮𝗻𝗴 𝗸𝘂𝗿𝘆𝗲𝗻𝘁𝗲 𝘀𝗮 𝗩𝗶𝘀𝗮𝘆𝗮𝘀.

𝗠𝗮𝗿𝗮𝗺𝗶 𝗻𝗮𝗻𝗴 𝗽𝗮𝗹𝗶𝘄𝗮𝗻𝗮𝗴 𝗮𝘁 𝗺𝗴𝗮 𝗵𝗮𝗸𝗯𝗮𝗻𝗴 𝗻𝗮 𝗶𝗻𝗶𝗹𝗮𝘁𝗮𝗴—𝗽𝗲𝗿𝗼 𝗮𝗻𝗴 𝘁𝗮𝗻𝗼𝗻𝗴 𝗻𝗴 𝗰𝗼𝗻𝘀𝘂𝗺𝗲𝗿𝘀 𝗻𝗴𝗮𝘆𝗼𝗻: 𝗮𝗻𝗼 𝗻𝗮 𝗮𝗻𝗴 𝗿𝗲𝘀𝘂𝗹𝘁𝗮, 𝗮𝘁 𝗸𝘂𝗻𝗴 𝗺𝗮𝘆 𝗺𝗮𝗽𝗮𝘁𝘂𝗻𝗮𝘆𝗮𝗻𝗴 𝗽𝗮𝗴𝗸𝘂𝗸𝘂𝗹𝗮𝗻𝗴 𝗼 𝗽𝗮𝗴𝗹𝗮𝗯𝗮𝗴, 𝘀𝗶𝗻𝗼 𝗮𝗻𝗴 𝗱𝗮𝗽𝗮𝘁 𝗺𝗮𝗻𝗮𝗴𝗼𝘁?

Noong 2 Setyembre 2026, sumulat ang NASECORE sa DOE upang hilinging imbestigahan at tukuyin ang tunay na sanhi ng Manual Load Dropping (MLD)—kung ito ba ay nagmula sa generation, reserves at Ancillary Services, transmission, system operation, o kombinasyon ng mga ito.

Hiniling din na matukoy kung maaari sanang naiwasan o nabawasan ang interruptions at kung saan nagmula ang anumang mapapatunayang failure o non-compliance.

Tumugon ang DOE at naglatag ng mga paliwanag at hakbang. Sa hiwalay nitong tugon sa NASECORE, sinabi mismo ng DOE na nire-reconcile nito ang projected requirements, contracted supply, dependable capacity at actual available generation upang matukoy ang sanhi ng recurring shortages at maisagawa ang corrective measures.

Naglatag din ang DOE ng mga hakbang kaugnay ng generation reliability, additional Ancillary Services, transmission projects, preventive maintenance at generator accountability.

Pero nagpapatuloy ang Grid Alerts.

Ngayong 28 Setyembre, muling nagdeklara ang NGCP ng Yellow Alert sa Visayas Grid dahil sa tight reserves, habang may malaking generating capacity na unavailable sa Grid.

Kaya malinaw ang hinihingi ngayon ng consumers:

Ano na ang resulta ng imbestigasyon? Saan talaga nagmula ang problema? Ano ang naging resulta ng mga corrective measures? At kung may mapatunayang pagkukulang o paglabag—sino ang dapat managot?

Higit sa mga paliwanag at hakbang na inilatag, hinihingi ngayon ng consumers ang malinaw na findings, resulta, at accountability. Kapag nauuwi sa MLD at pagkawala ng kuryente, apektado ang trabaho, kabuhayan, negosyo, pag-aaral at pang-araw-araw na buhay ng mga pamilya.

DOE, ilabas ang malinaw na resulta ng imbestigasyon. Karapatan ng consumers na malaman kung ano talaga ang nangyari, ano na ang naitama, ano pa ang kailangang ayusin, at kung may mapatunayang pagkukulang—sino ang mananagot.

Basahin ang mga sulat ng NASECORE sa DOE patungkol sa MLD sa link na ito: https://tinyurl.com/muun9d94